Valestrandsmarka Rundt

Det vert arrangert 9-13 løp pr år. I desse løpa vert det registrert tider og persar, beste tid etter alder og sum løp alle år. Til dei som er med på mange løp er det utmerking for 10, 25, 50, 100, 150, 200, 250, 300 og 400 løp.

I tillegg vert det arrangert juleløp og nyttårsløp der det ikkje vert registrert offisielle tider/persar. (jaktløp vart arrangert t.o.m. 2005).

Valestrandsmarka rundt er ikkje berre for dei som har det travelt. Dei siste åra har omlag halvparten vore gåande som tek det meir med ro og nyt turen. Gåande startar 15 minutt før «hovedfeltet» og får difor med seg det meste som skjer i løpet.

Det er registrert 33161 resultat i perioden  1.1.1981 til 6.9.2024.  Totalt har det vore 590 løp med jakt, jule og nyttårsløp.  1211 menn og 1012 kvinner = sum 2213 personar har vore med på løpa utanom jul- og nyttårsløp). Er det feil eller andre spørsmål til det som er lista,  kan dette meldast til: Vidar Simmenes tlf. 91322643vidsimm@online.no

Utvikling startpengar for Valestrandsmarka rundt.  1981-1987(7år) kr. 3,-     1988-1997(10år) kr. 5,-    1998-2010(13år) kr. 10,-   2011-2015(5år)  kr. 20,-    2016-2024(9år)  kr. 30,-

Sidan 1990 har det vore gjort mykje med forbetring/bygging av nye vegar/stiar i området Reigstad, Åsen og Brakvatnet. Det er innsatsen til Kåre Birkeland, grunneigarane saman med gåver frå folk i området å takka at vi har fine vegar i desse områda. Karl J Reigstad grov og grusa gangveg frå Åsen til Vardalen i 1997 slik at det vart ei samanhengande løype rundt Brakvatnet på 2.6 km.

Seinare har Karl J Reigstad, Helge Reigstad og Yngve Aarhus med fleire gjort ein stor innsats med oppgradering og vedlikehald på turvegane i  store delar  rundt Brakvatnet/Reigstad.   Innsamlingsløp og gåver i tillegg til dugnad med turvegprosjektet har gjort dette til ein fin turveg som mange har gleda av.

Dette har gjort det mogleg å arrangera ulike løp rundt Brakvatnet.

Bestetider etter alder 1981-2024 pr. 6.9.