Flott turvegmarkering (25 års) på Valestrand torsdag 14. mai 2015
Sol og fin vårstemning på Reigstad der i overkant av 100 deltok på markeringa.
Sol og fin vårstemning på Reigstad der i overkant av 100 deltok på markeringa.
Valestrand Musikklag fekk seg ei fin treningsøkt før 17. mai og fekk applaus frå alle frammøtte.
Området her og utgangspunkt for tur opp Reigstaddalen
Valestrand Musikklag
x
x
Karl J Reigstad gav eit tilbakeblikk på turvegprosjektet Reigstad – Åsen – Brakvatnet.
Då har venteleg musikklaget kontroll på det meste (utanom været) før 17. mai
Turvegane er og tenleg for dei som må ha hjelp med å ta seg fram i den fine naturen rundt Reigstad – Åsen – Brakvatnet. Det oppgraderte turvegnettet har og ved nokre høve også vore reserveveg når andre vegar har vore stengde.
Etter musikk av Valestrand musikklag la dei fleste ut på ein marsj frå Reigstad og rundt Brakvatnet. Den frivillige «startpengane» til turvegane som vart innbetalt idag var kr. 7.452,-. I tillegg er det fleire som har betalt inn eller vil betala inn til turvegkontoen 3626.50.62312. Samla sum som vart innbetalt kontant og i bank i samband med markeringa vart kr. 12.553
Dei registrerte deltakarane fekk også eit fredsmarsjmerke som minne og takk for innsatsen.
Førehandsomtale.
Det har gått 25 år sidan Kåre Birkeland fekk realisert sin kongstanke om turveg Reigstad – Brakvatne. Komiteen som no styrer med pengar og vedlikehald, ynskjer å markera jubileet og innbyr til jubileumsmarsj/-løp Kristi Himmelfartsdag kl. 13.00 med frammøte og start på Grønstølen på Reigstad. (Grønstølen er i området ved målgang testløp på Reigstad) Løypelengd på marsjen frå Grønstølen og rundt Brakvatnet og til Grønstølen er omlag 4,5 km.
Marsj med musikk
Det vert først ei lita markering av jubileet, og deretter vil Valestrand Musikklag, der Kåre Birkeland var ein framståande medlem, leia første del av marsjen mot Brakvatne. Det kostar å vedlikehalda vegen, og mange har spurt korleis dei kan bidra med tilskot. Dei som deltek på jubileumsmarkeringa, vil få høve til å yta sin skjerv der. Alle kan bidra til konto nr. 3626.50.62312. Komiteen vonar at mange finn vegen til Reigstad og turvegen denne dagen.
Spesielt velkomne er alle «nye» Valestrendingar og alle som endå ikkje har gjort seg kjende med det flotte turområdet som turvegen går gjennom.
for turvegkomiteen, Karl J. Reigstad
Etter 1990 har det vore gjort mykje med forbetring/bygging av nye skogs/turvegar i området Reigstad, Åsen og Brakvatne. Det er innsatsen til Kåre Birkeland, grunneigarane saman med gåver frå folk i området å takka at vi har fine vegar i desse områda.
Karl J Reigstad grov og grusa gangveg frå Åsen til Vardalen i 1997 der Osterøy IL m.a. har kosta noko. Det har gjort det mogleg å arrangera løp/marsj rundt Brakvatnet. Frå 2007 vart det og årleg arrangert Brakvatnet halvmaraton. Deler av Valestrandsmarka Rundt går på deler av turvegnettet.
Det forbetra vegnettet er veleigna til turvegar og vert meir og meir nytta. Det kan nevnast at samband med VM løp «innsamlingsløp», er det kome inn kr. 20.198.- frå «joggarane» som er nytta til grus og vedlikehald av dette vegnettet. Vinteren 2014/2015 er det arrangert 4 vinterkarusell/løp rundt Brakvatnet der frivillige startpengar går til vedlikehald av vegnettet. I desse 4 løpa kom det inn kr. 4.126 til vegprosjektet.
Brakvatnet halvmaraton (17.10.2015) går rundt i Brakvatnet i tillegg til at Valestrandsmarka Rundt og går på deler turvegen langs vatnet.
