Samarbeidslag fann vinnarsporet på Nestun

Osterøy IL og Fotlandsvåg IL har i haust inngått eit samarbeid for G98. Laget, som til neste år spelar sin første sesong med 11’ar fotball, tel 10 frå OIL og 7 frå FIL og vert leia av Jon Steinar Hatland.Laget har framskunda 11’ar debuten ved å stille "til start" i årets Bjarg-Cup.

Fredag 29. oktober spelte laget mot Lyngbø i første innleiande kamp i turneringa. Kampen enda med 2-1 siger til stormande jubel. Skåringar vart signert Jonas Lillejord og ein uheldig Lyngbø-spelar.

Lørdags morgon venta Fyllingen sine 97-modellar som inneverande år har spela i 1. divisjon. Osterøy/Fotlandsvåg fekk to straffar innleiingsvis for å kompensere for alders- og divisjonsforskjell . Ein av dei vart ekspedert i nota av Johannes Hatland, og kampen starta dermed med 1-0 leiing. Fyllingen viste etter dette at dei har spelt på eit høgare nivå denne sesongen og vann til slutt komfortabelt 5-1. Eit fortent tap, trass heroisk innsats av våre gutar.


Nøgde målskårarar mot Gneist; Adrian Vevletveit (2), Fredrik Evensen (1+1str) og Jonas Lillejord.

Etter å ha trøstespist litt på McDonalds sto Gneist sine 97-modellar for tur. Her fekk OIL/FIL eit straffespark for aldersforskjell. Fredrik Evensen feila ikkje frå kritmerke, og igjen starta kampen med 1-0 leiing. Gneist kom seg fort opp att på. Utlikna først og gjekk sidan opp i 2-1 leiing. Då vakna ostringane. Adrian Vevletveit (2), Jonas Lillejord og Fredrik Evensen teikna seg på skåringslista og sikra til slutt 5-3 siger. Med 6 poeng av 9 moglege vert det sluttspel på gutane.

1/16-finar vert det mot Lyngbø 1 lørdag 6. november kl. 10.05 på Liland. Dette er, som Fyllingen, eit lag som har spela 1. divisjon for 97 denne sesongen. Osterøy/Fotland har dermed ei stri tørn å sjå fram til.

Lukke til karar!

Aktivitetar

Osterøy på Tvers 1.6.2024
Start Bruvik og mål Hosanger
25 mar
Open trening TURN
Osterøyhallen
07 mai
Ekstraordinært Årsmøte
Osterøy IL Klubbhus
18 mai
24 mai