Osterøy skuffa mot Fotlandsvåg

Osterøy var det beste laget gjennom 90 minuttar mot Fotlandsvåg på 
Furubakken i går kveld, men fire mål var ikkje nok til å sikra sigeren 
mot det hardtkjempande laget frå Tøflavåjen.

Dette var rett og slett ikkje godt nok, sukka Vidar Rosnes etter 
kampen. -Det ser ut som om me går ut på bana og forventar lett match. 
Spelarane går for halv maskin heile første omgang. Me får ikkje fart 
på ballen og vert liggande alt for djupt. Det var i det heile veldig 
lite som stemte for oss i dag.

Sjølv om Osterøy hadde ballen mest og majoriteten av spelet føregjekk 
på Fotlandsvåg sin banehalvleik klarte ikkje dei gul/grøne å spela seg 
til for mange sjangsar i første omgang. Fotlandsvåg såg dessutan ut 
til å villa meir og klinka til i alle duellar.

Etter drøye halvtimen dreg imidlertid Torbjørn Hovden seg fri på høgre 
kanten og serverer Thomas Langeland eit perfekt innlegg. Thomas skårar 
sikkert og opphentinga er i gang. Minuttet før pause er det Frode 
Evensen sin tur. Ein corner frå midtbanespelaren vert skrudd rett inn 
– med litt hjelp frå FIL sin keeper.

Pausen nyttar trenar Rosnes til å miste stemma. Han er alt ann enn 
nøgd med prestasjonane i første omgang og legg ikkje skjul på dette 
overfor spelarane. Han gjer eit bytte; Torbjørn Hovden viker plass for 
Øyvind Tønjum.

Andre omgang vert ikkje merkbart betre, men Osterøy klarar i det 
minste å spele seg til ein del sjangsar. Store, sterke Kristian 
Daltveit er farleg frampå ved fleire høve – ofte på dødballar frå sida 
– utan å skåra.

Etter ti minuttar av omgangen er det duka for Thomas Langeland igjen. 
Frode Evensen gjer manns jobb inne i 5 metersfetet og får tuppa ballen 
forbi ein utrusande keeper. Langeland får ein enkel jobb med å 
ekspedere ballen i mål.

Etter ytterlegare ti minuttar tek Osterøy for første gong leiinga i 
kampen. Martin Hanstveit snurrar rundt med ein tre-fire kvitkledde før 
han tuppar ballen i mål på næraste stolpe. Ting ser no ut til å gå 
vegen, men Jørgen Risholm vil det anleis. Berre fem minuttar etter 
Hanstveit si skåring servere han ei bøtte kaldt vatn i Osterøy 
spelarane sine årer etter ein kontring. Han fastset med det 
sluttresultatet til 4-4.

-Irriterande, seier Rosnes etter kampen før han legg til; – Det endrar 
ingenting i forhold til kampen i morgon. Me må slå VHFK for å behalda 
bøtta på Hatland. Det måtte me ha gjort sjølv med siger i dag.

Kampen mot VHFK blir spela kl 16.00 laurdag – etter at Hausvik og 
Fotlandsvåg har målt krefter kl. 14.00.

KAMPFAKTA

Mål:
0-1  (0. min)
0-2  (0. min)
0-3  (0. min)
1-3  Thomas Langeland (33. min)
2-3  Frode Evensen (45. min)
3-3  Thomas Langeland (55. min)
4-3  Martin Hanstveit (64. min)
4-4  Jørgen Risholm (69. min)

Laget: Einar Gjerstad, Steffen Gjøstein (Martin Dyvik 35 min), Ole 
Morten Tysse ( Ørjan Bysheim 20 min), Åge Bruvik (Thomas Hole 30 min), 
Martin Bysheim (Jens Lillefosse 20 min), Frode Evensen, Kim Solberg, 
Kristian Daltveit, Torbjørn Hovden (Øyvind Tønjum 45 min), Thomas 
Langeland, Martin Hanstveit.

Aktivitetar

Håndball-søndag
Osterøyhallen
26 nov
HaFo 2024
Osterøyhallen
29 nov
Ribbecup 2023
Osterøyhallen
30 nov