God start på hausten

Etter siger mot Kjøkkelvik, uavgjort mot Øystese og no siger mot Apollo i helga, må det kunne seiast at Osterøy har hatt ein god start på haustsesongen. Målsetjinga for årets sesong står fortsatt ved lag når det no dreg seg til i 5. divisjon avd 1.

I SIGET: To mål på dei tre siste kampane for Eirik Øvsthus, sender han opp i ryggen på spissparet Ørjan og Thomas på skåringslista.

-Eg ventar framleis på at me skal ta ut vårt fulle potensial, seier Vidar Rosnes. – I heimeoppgjeret mot Øystese var me bra i periodar, men katastrofale store delar av 2. omgang.  Måten me gir vekk initiativet i kampen på – og to enkle mål – er ikkje godt nok. Heldigvis klarar me å utligne mot slutten. Alt i alt eit resultat me må vera nøgd med. Vinn me hengekampen mot Fusa er me i førarsete i forhold til Øystese, fortset Rosnes

 

Knokkelkamp

Fredag reiste Osterøy til Askøy  for å ta tre nye poeng mot Apollo. Det klarte dei, men det vart ei tøff batalje. –Me fekk ein i trynet i første omgang før me vakna. Eg såg tidleg at dette ville bli ein knokkelkamp og sette derfor inn Kristian Daltveit allereie før kvilda. Han bidrog sterkt til at me klarte å snu kampen. Han tapte knapt ein einaste duell og satte sjølv inn 2-1 målet etter at Ørjan Bysheim hadde utlikna. Ein stor kamp av midtbaneterrieren, skryt Rosnes. Eirik Øvsthus hamra spikaren i kista med si 3-1 skåring i 2. omgang. –Eirik er no oppe i sju mål. Berre Thomas (8) og Ørjan (9) har skåra meir. Det lovar bra for sesongen vidare.

 

Trio i tet              

Det vart på ein måte ei skjebnehelg. Resultatet i denne runden gjer at det no byrjar skille seg ut ein tet-trio. – Øystese hekta av Solid ved å slå dei 3-0, Kjøkkelvik bremsa opp Nordnes med siger 3-2. Einaste som ikkje gjekk vår veg var at Strandebarm tapte mot Søre Neset. Med uavgjort i denne kampen hadde me – med siger mot Fusa – rykka frå i toppen av tabellen, seier Rosnes. – I stadenfor ein tetduo, fekk me ein tettrio. Men det ordnar seg til helga. Då kjem Søre Neset på besøk på Hatland. Med siger her og i Fusa neste onsdag kan me få ei luke i ned til 3. plassen. Det hadde vore stas, avsluttar Rosnes  

 

Aktivitetar

Osterøy på Tvers 1.6.2024
Start Bruvik og mål Hosanger
25 mar
Open trening TURN
Osterøyhallen
07 mai
Ekstraordinært Årsmøte
Osterøy IL Klubbhus
18 mai
24 mai