Kanonstart på sesongen
Ikkje eitt sett vart tapt då Osterøy-damene krusa inn til siger under ei turnering i Haukelandshallen i helga.
– Sjølv om det berre var 3 lag påmeld, må det seiast at det er sterkt å gå 7 sett utan tap, kommenterer opp- og pressetalskvinne Ragnhild Eri. – Ein betre start på årets sesong kunne me ikkje få.
I tillegg til Osterøy sine damer stilte 2 divisjonslaga Lyderhorn og Førde til dyst i Haukelandshallen.
Etter komfortable 3-0 sigrar både mot Lyderhorn og Førde i innleiande rundar, vart sistnemde lag sett til veggs i finalen òg. Settsifra i denne kampen, som vart spela best av tre sett, vart 2-0 til dei raudkledde frå Osterøy.
– Me satsar på at å følga opp den gode starten mot Grim i serieopninga heime i Osterøyhallen til helga, avsluttar Eri.
