KM Røldal

Meir enn 200 deltakarar frå heile Hordaland hadde funne vegen til Røldal laurdag, då det var den vesle fjellbygda sin tur til å arrangere KM-renn i langrenn klassisk stil.

Blant dei yngste var det flotte løp av Simon (gutar 10 år) og Tuva (jenter 8 år).

I 11 årsklassen vart det flott seier til Marie i jenteklassen og gutane følgde opp med 2. plass til Sondre og 3. plass til Sokrates.

I gutar 13 år vart Trym nummer 14.

I gutar 14 år vart Elias kretsmeister etter eit supert løp. Ikkje langt bak følgde dei andre ostringane som perler på ei snor. Jonatan nummer 4, Torjus nummer 5, Håkon nummer 6 og Magne nummer 13.

I jenter 16 år vart Sigrid nummer 7.

I gutar 16 år gjekk Anders sterkt til 4. plass, berre sekunder frå ein plass på pallen. I same klasse vart Magnus nummer 6 og Yunus nummer 7.

I menn 18 år vart det ein flott 3. plass til Henrik.

I Menn 19/20 år vart det flott pallplass på både Øyvind (nummer 2) og Sigurd (nummer 3). Eirik vart nummer 5.