Siger i generalprøven
Eidsvåg vitja 2. påskedag Osterøy for siste treningskamp før alvoret startar neste helg. Etter ein begredeleig første omgang snudde Osterøy 0-1 til 3-1 i andre omgang. Martin Dyvik putta to, medan kommande "regissør", ungfolen Frode Stokke, avslutta med 3-1 skåring fem minuttar før slutt.
Osterøy starta tamt og usikkert i generalprøven mandag. Dei tapte dei fleste duellane, slo upresise pasningar og sleit dermed med å få etablert eige spel. Gjestane sin sentrale midtbanespelar fekk styra kampen slik han ville.
Etter knappe ti minuttar vert ein corner klarert, på ikkje alt for overtydande vis, og Eidsvåg hamra inn 0-1 frå kort hald. Etter dette kjørte Eidsvåg kampen utan å produsere dei heilt store sjangsane.
I 2. omgang var det eit anna Osterø-lag som entra banen. Det vart gjort justeringar på midtbana og innstillinga til spelarane var betre. Det resulterte i ein del tøffe duellar og det heile vart ei jevnare batalje. Det var ikkje ufortent at Martin Dyvik utlikna etter 7-8 minutt av omgangen. Trygve Reigstad klarte å halde ballen i spel på høgrekanten, slo inn til Kim Solberg i midten som berre trilla ballen vidare til Dyvik. Frå spiss vinkel hamra han heim 1-1.
Resten av kampen bølga fram og tilbake, og begge lag hadde sine halvsjangsar. Vidar Rosnes valgte etterkvart å setje innpå ungdomsrekka; Bjarte Vik Larsen, Robert Dyvik og Frode Stokke. Alle tre viste lovande takter, men sistnemnte vart tunga på vektskåla denne kvelden. Vel to minuttar etter han kom innpå bana trer han gjennom ein krempasning til Martin Dyvik i fult firsprang. Martin dundrar heim sitt andre mål og det står 2-1.
Knappe 3 minuttar seinare bankar Stokke sjølv siste spikaren i Eidsvåg-kista. Robert Dyvik og Bjarte Vik Larsen rullar opp frå høgre. Frode Stokke vender av sin oppassar og set ballen kontrollert i mål til 3-1.
Osterøy – Eidsvåg 3-1 (0-1)
Kunstgrasbanen, Fugledalen
0-1 – 8. min:
1-1 – 52. min: Martin Dyvik
2-1 – 82. min: Martin Dyvik
3-1 – 85. min: Frode Stokke
| Nr | Spelar | Mål (min) | Gult | Rødt | Bytte |
| 1 | Matias Riple | ||||
| 2 | Roger Husebø | ||||
| 3 | Stian Aasheim | ||||
| 4 | Kenneth S. Grimstad | ||||
| 5 | Ole Morten Tysse | ||||
| 6 | Kim Solberg | ||||
| 7 | Kristian Daltveit | ||||
| 8 | Frode Evensen | ||||
| 9 | Martin Dyvik | 52", 82" | |||
| 10 | Trygve Bru Reigstad | ||||
| 11 | Øyvind Tønjum | ||||
| Innbyttarar | |||||
| 12 | Frode Stokke | 85" | Inn for Ø. Tønjum | ||
| 13 | Bjarte Vik Larsen | Inn for K. Daltveit | |||
| 14 | Espen Mjøs | Inn for F. Evensen | |||
| 15 | Robert Dyvik | Inn for T. B. Reigstad | |||
| 16 | |||||
| 17 | |||||
| 18 | |||||
