5 lag til Åsane Cup

Til helga går Åsane Cup for aldersfastsette lag av stabelen i Vestlandshallen. Osterøy IL stiller med ikkje mindre enn 5 lag i den årvisse turneringa.

PREMIAR: Alle er vinnarar under Åsane Cup til helga.

-Me stiller med 2 lag i G98, 2 lag i G99, 2 lag i G2000 og eit lag i J2000, fortel Stein Evensen til osteroyil.no. Evensen er følgjer fleire av laga som laurdag set kursen for handlebydelen.

– Eg gler meg sikkert like mykje som ungane, smiler han. – Me var med på ei tilsvarande turnering i samme hall i desember i fjor. Spelegleda reflekterer ungane si trivnad; dei storkosar seg på krøllgraset i Vestlandshallen, legg han til.

I tillegg til å ha det gøy gjer gjengen frå Osterøy det godt i slike turneringar. -Dei eldste gutane vann alle sine kampar i forrige turnering, seier Evensen. – Eg vart nesten litt rørt over prestasjonane. Det lovar godt for klubben på sikt, fortset han. -På dette nivået er uansett alle vinnarar. Det viktigaste er å spinge ut på bana og ha det kjekt med ball, avsluttar Evensen

GODE RESULTAT: Osterøy sine Gutar 1998 på veg av bana etter nok ein god kamp.